16 Mei 2021

Web: www.noordkus.co.za  Dagstukkies: www.dagstukkie.co.za

.

Leraar: Ds. Alwyn Small
032 525 8732•083 556 5837
leraar@noordkus.co.za

Kerkkantoor:
Leonie Spangenberg
032 946 1198
kerkkantoor@noordkus.co.za

Kantoorure:
Maandae:10:00-15:00
Woensdae: 08:00-15:00
Dinsdae, Donderdae, Vrydae: 08:00-13:00

Bankbesonderhede:

NG Gemeente Noordkus
Eerste Nasionale Bank (FNB)
Rekening nr: 5373 165 9860;
Takkode: 220129

Gemeente Dagboek:

Het jy geweet? Ballito Gesinskerk se jaarlikse Almanak of Dagboek is op ons webblad beskikbaar. Kyk gerus by noordkus.co.za/dagboek.html

.

Sondag 16 Mei

Pinkster Begin

08:30 Erediens

Maandag 17 Mei

18:00 Pinksterdiens

Dinsdag 18 Mei

09:00 Bybelstudie

18:00 Pinksterdiens

Woensdag 19 Mei

18:00 Pinksterdiens

Donderdag 20 Mei

18:00 Pinksterdiens

Saterdag 22 Mei

11:30 Simunye ku Jesu

Sondag 23 Mei

Pinksterfees

08:30 Nagmaal

Voorbidding

Gesondheid:

Marie Dirks

Miriam Lyons

Piet van Zyl

Stoffel en Amanda Viljoen se dogter, Anthea

Jan Kaljee

Frik Grobler se suster en swaer wat albei ernstig siek in die hospitaal is met Covid.


Algemeen:

Reën in droë dele van die land, 

Gemeente, Dorp en Gemeenskap, ons land.

Ons almal se gesondheid teen 

die Coronavirus.





Dit is die dag wat die Here gemaak het, laat ons daaroor juig en bly wees.”
Psalm 118:24




Verjaarsdae

16 Mei

Diana Brink

Eleanor Delport

18 Mei

Margaret Christie

Haniki le Roux

Hendrik Liebenberg

19 Mei

Amelia Moll

Koos Prince

René van den Heever

20 Mei

DeWet Bender

Eugene Nel

Blake Vorster

21 Mei

Gerlinde Scholtz

Pinkster 2021—Five things
God uses to grow your faith

Daar is tye wat ons elkeen vir ‘n oomblik of vir ‘n bepaalde tyd stilstaan in onsself en ons geloof begin bevraagteken. Daar is ook die tye wat ons na ander, sogenaamde geloofshelde om ons kyk en ons dan vir onsself sê: As ek net dieselfde geloof gehad het… of ek wens dat ek so groot geloof gehad het.

In ons Pinksterreeks gaan ons stilstaan by ‘n DVD reeks van Andy Stanley met die tema: Five things God uses to GROW your faith. Andy Stanley skryf die volgende oor die reeks: “Imagine how different your outlook on life would be if you had absolute confidence that God was with you. Imagine how differently you would respond to difficulties, temptations, and even good things if you knew with certainty that God was in all of it and was planning to leverage it for good. In other words, imagine what it would be like to have PERFECT faith.”

Andy Stanley begin die reeks met die hele gedagte rondom “Big Faith” en van daaruit behandel 5 goed wat vir ons help tot geloofsgroei.

Ons Pinksterreeks se program met die tema’s gaan soos volg lyk (Dit word doelbewus nie vertaal om jou nuuskierig te maak om te kom luister en daarin te deel):

Sondag 16 Mei – Big Faith (8h30 tydens die erediens)

Maandag 17 Mei – Practical Teaching (18h00 by die kerk)

Dinsdag 18 Mei – Providential Relationships (18h00 by die kerk)

Woensdag 19 Mei – Private Disciplines (18h00 by die kerk)

Donderdag 20 Mei – Personal Ministry (18h00 by die kerk)

Pinkstersondag 23 Mei – Pivotal Circumstances (8h30 tydens die erediens saam met ons Nagmaal geeleentheid)

In kort: Begeer jy om in jou geloof te kan groei en om meer van jou geloof te beleef en sterker daarin te word – moet dan nie ons Pinksterreeks misloop nie.

Let wel dat die Pinksterreeks slegs by die kerk aangebied gaan word en dat dit vanweë kopiereg nie via die internet uitgestuur gaan word nie.

Vanweë die Kovid regulasies gaan daar ongelukkig ook nie sop en toebroodjies bedien word nie – wat ‘n jammerte. Ons gaan dit verseker mis.

.

Vorige Uitgawes van die Nuusbrief

Jy kan van nou af die vorige uitgawes van die Gesinsnuus asook die Posduif ook lees deur te klik op die Nuusbriewe skakeltjie bo.

.

Leesrooster Tekste vir 2021

Binne die kerklike tradisies het daar deur die jare ‘n leesrooster ontstaan wat volgens die kerklike jaar ingedeel is. Elke week is daar vier tekste, een uit die Ou Testament, een uit die Psalms, een uit die Evangelies en een uit die Briewe van die Nuwe Testament wat in jou eie persoonlike stiltetyd (‘n teks vir elke dag) gelees kan word. Die tekste kan selfs in jou selgroep of Bybelstudiegroep gelees word waarna die groep met mekaar saam kan gesels oor die inhoud van die tekste; hoe dit met mekaar saam pas; wat dit vir ons beteken binne die kerklike jaar en wat die tekste vir ons elkeen persoonlik kom sê.

Die Leesrooster tekste vir die Sewende Sondag van Paastyd: Johannes 17:6-19, Handelinge 1:15-17, 21-26, Psalm 1 en 1 Johannes 5:9-13.

.

.

Het jy ‘n vraelys vanaf jou kerkraadslid ontvang?

Teen hierdie tyd behoort u al ‘n vraelys vanaf u kerkraadslid of van die kerkkantoor ontvang het waarin so ‘n paar vrae voor u geplaas word.

Daarmee saam ook ‘n lys van die betrokke aksies binne die gemeente waarop u kan aandui waar u betrokke wil raak.

Kontak Leonie by die Kerkkantoor (032 946 1198 of kerkkantoor@noordkus.co.za) indien u nie so ‘n vraelys ontvang het nie. Die vraelys is ook in gedrukte vorm beskikbaar op die tafel by die deur.

Indien u wel ‘n vraelys ontvang het wil ons u aanmoedig om dit in te vul en terug te stuur aan u betrokke kerkraadslid. Ons wil u ook daarvan verseker dat die invul van die vraelys heeltemal vrywillig is en dat die inligting daarop streng konfidensieel en professioneel hanteer sal word. Neem asseblief die vrymoedigheid om vir Ds Alwyn te kontak indien u enige vrae of onsekerheid het rakende die vraelys.

Baie dankie vir u samewerking in die verband.

.

Diensaksies binne die gemeente

Graag voorsien ons aan u as gemeentelede aan al die onderskeie diensaksies wat huidiglik binne die gemeente funksioneer tesame met die kontak besonderhede van ‘n leier by die betrokke diensaksies. Ons wil u graag uitnooi om as deel van die “Liggaam van Jesus Christus” by hierdie diensaksies betrokke te raak. Wil jy dit asseblief nie biddend oorweeg en so êrens as ledemaat van die Liggaam van Christus deel te kan wees nie.

Net vir duidelikheid, jy hoef nie op die kerkraad te dien om so betrokke te kan wees by ‘n diensaksie nie. Saam maak en kan ons ‘n verskil maak.

 

.


Nie-bederfbare produkte benodig vir die koskas

 

Baie dankie aan diegene wat kos vir die koskas gebring het. Daar het egter nie baie ingekom nie en die behoefte is nog groot. Blikkies kos, mieliemeel, suiker, olie, koffie, tee, grondboontjiebotter, konfyt ens kan by die Kerkkantoor afgegee word of Sondag in die krat geplaas word.


.

Nuwe Intrekkers

Alle nuwe intrekkers word hartlik verwelkom by Ballito Gesinskerk.  Ons vertrou dat julle ’n baie geseënde verblyf in ons gemeente gaan hê.

Het jy onlangs van adres verander of nuwe epos / telefoon nommer gekry? Vul asseblief ‘n vorm in met jou nuwe besonderhede.

.


Hospitaal Besoek

Neem asseblief kennis dat daar huidiglik geen hospitaal besoeke gedoen kan word nie as gevolg van Kovid-19 beperkings.

.


Ons Facebook Gemeenskap

Ons nooi graag al ons gemeentelede om deel te word van ons Facebook gemeenskap. Ons plaas gereeld inligting oor opkomende projekte asook nuus en foto’s van geleenthede wat plaasgevind het. “Like” en “Share” gerus ons blad by:

www.facebook.com/ngnoordkus/

.

Manne Kuier Saam

Die gemeente se manne kuier gereeld elke eerste en derde Saterdag om 07:00 saam by die kerk, met 'n stomende beker varsgemaalde moerkoffie en beskuit. Ons gesels lekker en lewendige gesprekke oor aktuele onderwerpe is aan die orde van die dag.  Enigeen is hartlik welkom om in te skakel, solank jy natuurlik ‘n man is!

Ek sien uit daarna om met jou te gesels by ons volgende opwindende gesprek!

Louis Nel

.

Mondi Herwinnings Projek

Net ‘n vriendelike herinnering aan die gemeente om asseblief die papier herwinnings-projek te ondersteun.

Die herwinningsdrom staan buite die kerk se omheining en is te alle tye beskikbaar.


.

Het jy kaste vol klere 

wat jy nie dra nie of huishoudelike items wat jy nie gebruik nie?

Skenk dit aan HOSPICE en help hulle so om hulle onbaatsugtige diens te kan voortsit.

Kontak Helene by 083 656 0864

.

Kom ondersteun ons heerlike pannekoek, 

vetkoek en koeksisterverkope!!

Heerlike pannekoek, vetkoek en koeksisters elke Saterdag beskikbaar met bestellings. Plaas jou bestelling by 083 676 1998 (whatsapp of oproep) vir afhaal vanaf 08:30 by die kerk.

Sondag 16 Mei—Maleisië

Pastoor Raymond Koh, pastoor Joshua Hilmi, sy vrou, Ruth Sitepu, en Amri Che Mat (ʼn sosiale aktivis) word die afgelope paar jaar vermis. Bid vir diegene wat hard werk om antwoorde te help vind oor wat met hulle en talle ander mense wat op ʼn geheimsinnige wyse verdwyn het, gebeur het.

Maandag 17 Mei—Sri Lanka

Die Paasfees-aanvalle in 2019 het die land se ekonomie drasties beïnvloed. Toe Covid-19 toegeslaan het, het dit nog nie ten volle herstel nie. Bid vir stabiliteit vir die land se ekonomie en vir verligting vir mense wat daardeur geraak word, insluitend Christene.

Dinsdag 18 Mei—Nepal

Daaglikse loonarbeiders en talle ander mense het hul werk tydens die Covid-19- inperking verloor. Talle mense sukkel nog om werk te kry, wat dit moeilik maak om hul families te ondersteun. Bid dat God vir hulle sal voorsien, hulle sal help om goeie werk te kry en hulle in hul werk sal seën.

Woensdag 19 Mei—Ethiopië

Dari* (9) is in 2019 seksueel aangerand deur ʼn seun in haar dorp omdat sy ʼn Christen is. Bid vir geregtigheid vir Dari en dat die Here haar fisies, geestelik en emosioneel ten volle sal genees van die trauma wat sy ervaar het.

Donderdag 20 Mei—Kenia

Jemima* het tot bekering gekom nadat sy haar Moslem-familie se woning verlaat het. Haar familie het gedreig om haar in ʼn huwelik met ʼn Moslem-man te dwing, wat haar sou toesluit. Bid dat sy ondanks die dreigemente sterk sal staan in haar oortuiging en in haar geloof versterk sal word.

Vrydag 21 Mei—Libanon

ʼn Christen van Libanon sȇ: “Ons moet die Here dank dat ons nog leef. Die jaar 2020 het nie aan ons baie geleenthede gegee om asem te haal nie.” Bid dat die Here die Kerk in Libanon hierdie jaar sal onderhou en aan dit wysheid sal gee vir alles wat gedoen word.

Saterdag 22 Mei—Mianmar

Christen-Rohingyas word deur die regering vervolg omdat hulle ʼn minderheidsgroep is, asook deur Moslem-Rohingyas omdat hulle Islam verlaat het. Hulle wil na hul huise terugkeer omdat hulle uitdagings in vlugtelingkampe ervaar. Bid dat God hulle sal help om ʼn tuiste te vind waar hulle in vrede kan bly.